Me emrin e Allahut, Bëmirësit të përgjithshëm, Mëshiruesit të posaçëm”

Parathënia e librit

Falënderimi i takon Allahut të Madhërishëm, Krijuesit të kësaj gjithësie, ndërsa paqa, mëshira e Allahut qofshin mbi Pejgamberin, Muhamedin s.a.v.s, mbi familjen e tij, shokët e tij dhe mbi pasuesit e tij të ndershëm deri në përfundim të jetës së kësaj bote.

 “O Zoti ynë, na jep mëshirë dhe na udhëzo në rrugë të drejtë”.

Sa e njëjtë është e sotmja me të djeshmen!

Historia ripërsëritet!

Si në të kaluarën, ashtu edhe sot sulmet ndaj fesë Is­la­me nuk kanë të pushuar. Në përgjithësi, për Islamin është folur shumë herë vetëm në kontekstin negativ, duke shpi­f­ur e trilluar gjëra nga më të këqijat për të. Për islamin është shkru­ar mjaft dhe vazhdohet të shkruhet edhe sot në­për mediat elektronike, gazeta e revista të ndryshme, të bo­tu­a­ra qoftë nga individët, qoftë nga grupe individesh, të cilët kanë shprehur mendime nga më të ndryshmet; disa e kanë vlerësuar si fe të një kulture e civilizimi të pra­pa­mbetur, si fe e dhunes dhe e fanatizmit, që pengon mode­rnizimin e je­t­ës, lirinë e të menduarit dhe të të shprehurit; fe afriko-azi­atike e, madje disa e kanë quajtur fe të Lindjes. Por, të shkretët sikur harruakan se edhe fetë e tjera, si: Krishterimi apo Hebraizmi e kanë zanafillen po nga Lindja.

Kështu, sipas tyre, Islami na qenka fe e pasioneve të dobëta, e cila nëpër botë është përhapur me shpatë. Trilli­me e etiketime të këtij lloji vazhdojnë të thuhen edhe sot për Islamin. Asnjë fe në botë s’është interpetuar në mënyrë kaq tendecioze; asnjë feje në botë nuk i janë adresuar aq shumë fyerje e urrejtje sa fesë Islame. Në këtë mënyrë shpifësit dhe trilluesit, mundohen që t’ia mohojnë Islamit dhe Kur’anit të Madhërishëm burimin Hyjnor, Muhamedit s.a.v.s. pejgamberinë, kurse muslimanët t’i paraqesin si idhujtarë dhe heretikë. Po, megjithëkëtë emri i Muhamedit s.a.v.s. vazhdoi dhe vazhdon të përmendet më shumë se emri i cilësdo krijesë tjetër, kurse udhëzimi dhe drita Hyj­nore që ai solli, edhe sot e kësaj dite vazhdon të ndri­çojë zemrat e pastra dhe fisnike të miliona e miliarda njerëzve për 14 shekuj.

Shtrembërimet që iu bën Islamit e Kur’anit nga shpi­fë­sit, kishin dhe kanë për qëllim zhvlerësimin e realitetit të Kur’anit si libër Hyjnor dhe Muhamedin s.a.v.s. si i dër­gu­ari i Zotit, duke i paraqitur në mënyrë jo objektive dhe të pandershme. Në lidhje më këtë shkencëtari dhe profesori i Universitetit të Parisit dhe anëtar i Akademisë së Shke­nca­ve të Francës, Dr. Maurice Bucaille, thotë: “Sikur shumica e njerëzve në Perëndim, edhe unë kam mundur t’i ruaj të njëjtat ide të gabuara dhe aq shumë të përhapura për Islamin deri në ditët tona. Kështu, pra, e pranoj se isha një injorant i madh para se të krijoja për islamin pikëpamje çfarë i kam sot, të drejta dhe objektive. Nëse kam pasur pak ndikim apo kam hezituar lidhur me Kur’anin, atëherë ka qenë ajo çka më kishin mësuar në rininë time; Kurrë nuk më flisnin për muslimanët, por vetëm për muhame­danët, duke e theksuar posaçërisht atë se është fjala për religjionin të cilin e ka themeluar një njeri, dhe i cili nuk ka kurrfarë vlere karshi Zotit.... Unë përsëris konstatimin tim se në Kur’an nuk është futur dora e njeriut, por ai tekst është shpallje Hyjnore, dhe për këtë s’ka dyshim”.

Rreth imazheve të pavërteta që u serviren amerikanëve edhe sot e kësaj dite për Islamin, Paul Findley, anëtar i Ko­ngresit amerikan që 22 vjet, thotë: “Imazhet e rreme për Islamin që nga vegjëlia vazhduan të ruhen kaq gjatë në mendjen time, saqë sot nuk më bën përshtypje kur njihem me amerikanë të tjerë që kanë botëkuptime të ngjashme. ثshtë për t’u habitur kur mendon për numrin tejet të madh të stereotipeve dezinformuese që kanë vazhduar për isla­min, të pacënuara vit pas viti, gjatë orëve të mesimit të së dielës në të gjithë Amerikën. Miliona të rinj mund t’i kenë pranuar informacionet e rreme si të vërteta dhe gjatë vi­teve ua kanë kaluar të papërmirësuara miliona njerëzve të tjerë”.

Dokumenti i Vatikanit, i vitit 1970 “Orientimi për dia­log në mes të të krishterëve dhe muslimanëve”, i lëshuar pas Koncilit të Dytë të Vatikanit, dëshmoi ndryshimin the­lbësor të opinionit për muslimanët. Ky dokument, në for­më të rezolutës, e mori përgjegjësinë e pranimit të padre­jtësisë që i është bërë islamit në të kaluarën, duke dhënë një mesazh të qartë; “Të lirohemi nga paragjykimet ndaj islamit”.

Duke pasur parasysh etiketimet dhe trillimet e shumta që po i bëhen Islamit në përgjithësi, si dhe shpifjet e shu­m­ta që po i adresohen kësaj feje, punimin e kemi ndarë në tre kapituj dhe kemi trajtuar dy nga çështjet më të rë­ndë­sishme që kanë të bëjnë me Kur’anin Famëlartë dhe më të dërguarin e Zotit, Muhamedin s.a.v.s..

Në kapitullin e parë kemi folur për shpifjet dhe trillimet që i bëhen Kur’anit Famëlartë rreth burimit të tij; kemi dhënë kritika dhe kundërpërgjigje ndaj këtyre shpifjeve, kurse në kapitullin e dytë kemi folur për shpifjet që i adre­sohen Muhamedit s.a.v.s. rreth martesave të tij me shumë gra, duke e etiketuar si njeri i dhënë pas epsheve dhe dë­shirave seksuale.

Në kapitullin e tretë kemi veçuar disa nga thëniet obje­ktive të mendimtarëve me famë botërore rreth Islamit, Kur’anit dhe Muhamedit s.a.v.s.

Këtë punim e kam ilustruar me citate Kur’anore dhe me pjesë nga jeta e tradita e të dërguarit të Zotit, Muha­me­d­it s.a.v.s. Poashtu kam përdorur edhe citate nga Bibla, komente, sqarime dhe mendime të ndryshme të personali­teteve të shquara, qofshin ata muslimanë apo jomuslimanë, që përmbajtja e tekstit të jetë sa më e qartë dhe punimi të jetë sa më shkencor .

Shpresoj se lexuesi i ndershëm do ta kuptojë se e vër­teta që kemi thënë ne për Islamin qëndron më lart dhe më fuqishëm nga ç’qëndrojnë gënjeshtrat dhe shpifjet që janë thënë për të nga misionarë e njerëz që islamin nuk e shohin dot.

Urrejtja e thellë që i ka kapluar zemrat e shpifësve, ua ka verbuar sytë dhe nuk shohin të vërtetën e ndritshme. Allahu xh.sh. thotë:

“Përkundrazi, Ne të pavërtetën e godasim me të vërtetën dhe ajo (e vërteta) triumfon mbi të, ndërsa ajo (gënje­shtra) zhduket”. (Kur’an; Sure: El Enbija, Ajeti: 18)

Në këtë punim kam dhënë vetëm disa nga argumentet që flasin të vertetën për Islamin dhe hedhin poshtë të gjitha trillimet e poshtërimet që i bëhen atij nga njerëz të pandër­gjegjshëm .

Në fund, lus Allahun xh.sh. ta pranojë këtë punim mo­dest e të thjeshtë dhe të na shpërblejë me të mirat e Tij si në këtë botë, ashtu edhe në botën tjetër. Nësë në punimin tim ka ndonjë të metë në të, atëherë, kjo vjen nga dija ime e kufizuar dhe njerëzore.

Senad Maku

Ulqin 2007

             Detajet e librit:

Titulli: Shpifjet ndaj të vërtetave Islame

Autori: Senad Maku

Recenzentë: Dr. Zija Abdullahu

Formati i librit: A5

Faqe: 124

ISBN e librit: 978-9951-8736-0-4

Njoftim:

Librin mund ta gjeni në këto pika të shitjes, ndër më kryesorët janë:

ü      Libraria “Sira” dhe “Krenaria” që gjinden afër Xhamisë 4 Llulla në Prishtinë, Kosovë.

ü      Libraria “Alb-Books” që gjindet pranë Xhamisë së Tabakëve në Tiranë, Shqipëri.

ü      Libraria “Furkan ISM” adresa: II Makedonska Brigada, lok. 22, 1000 në Shkup, Maqedoni.

ü      Libraria “Selam” përballë Xhamisë së Kryepazarit në Ulqin, Mali i Zi.

Gjithashtu  do ta gjeni edhe në libraritë dhe qytete tjera po në këto shtete që përmendëm më lartë.

Sugjerime, komente dhe çdo gjë në lidhje me librin mund të më kontaktoni në këtë e-mail: senadmaku@gmail.com